,

Kartlegging av rekrutteringsbehovet til næringslivet og kandidatane sin flyttevilje

Rekrutteringsprosjektet som hadde oppstart før jul er no godt i gang, og for tida pågår det kartlegging på to viktige områder:

Kva type kompetanse næringslivet og det offentlige i Sunnfjord har behov for dei nærmaste åra, og i kor stor grad personar frå andre kantar av landet er villige til å flytte på seg i jobbsamanheng.

Kartlegginga av rekrutteringsbehovet gjer me for betre å kunne hjelpe næringsliv og det offentlege med å tiltrekke rett type kompetanse til regionen – når vi veit meir om kva behovet er, kan vi målrette aktivitetar og kommunikasjon spesifikt mot dei yrkesgruppene og kompetanseområda som trengs mest.

Undersøkinga retta mot kandidatar over heile landet vert gjennomført i samarbeid med Norstat, for å sikre at vi får svar som er representative for heile Noreg.

I denne undersøkinga spør vi blant anna om folk kan tenke seg å flytte på seg for å jobbe, kva som er viktigast for dei når dei skal byte jobb, og kva som eventuelt er til hinder for at dei skal flytte.

På den måten får vi vite kva alders- og yrkesgrupper som er mest villige til å flytte, og kva som må til frå arbeidsgjevar og kommunen sin side for å få dei hit.

Vil du vite meir om desse undersøkingane eller ynskjer å få presentert resultata når dei er klare, ta kontakt med prosjektleiar Kathe Arnesen på kathe.arnesen@sunnfjord.no eller telefon 98 88 36 88.

 

 

,

Studentjobb

Sparebankstiftinga Sogn og Fjordane, Høgskulen på Vestlandet og Sunnfjord Utvikling jobbar med eit svært spennande prosjekt som vi har kalla Studentjobb.

Kort fortalt er målsettinga til Studentjobb å gjere dei tekniske studieretningane ved HVL i Førde endå meir attraktive for å sikre studieplassane og auke søkartalet. Dette skal vi gjere gjennom å sikre god arbeidsrelevans under utdanninga. Den langsiktige effekten av dette er at næringslivet i regionen skal få dekka sitt behov for kompetanse.

Ideen er at når ein søker studieplass ved HVL i Førde skal ein vere garantert ein relevant deltidsjobb med 5-20 timar i veka.

For å få dette til treng vi eit forpliktande samarbeid med bedriftene i Sunnfjord. I skrivande stund har vi fått med oss 16 bedrifter i prosjektet og desse tilbyr totalt 30 deltidsstillingar, som er veldig bra! Vi jobbar fortløpande med å rekruttere fleire bedrifter, og håpar di bedrift er ei av desse. Ta gjerne kontakt med Astrid Marie hos oss for å få meir informasjon om denne viktige satsinga.

Regjeringa jobbar med ei stortingsmelding om samarbeidet mellom arbeidslivet og høgare utdanning, med fokus på sterkare arbeidsrelevans i utdanningane. Denne skal leggast fram våren 2021. Kanskje kan Førde og Sunnfjord bli eit godt føregangsdøme på eit slikt samarbeid!

Meir informasjon om prosjektet finn du på nettsida: Studentpraksis og i denne artikkelen frå iFørde

Her kan du sjå partnarskapsavtalen som bedriftene som blir med i prosjektet forpliktar seg til, og eit forslag til ein arbeidsavtale.

,

Endringar i bemanninga i Sunnfjord Utvikling

Frå 1. mars i år blir det fleire endringar i bemanninga i Sunnfjord Utvikling. Styret er i ferd med å rekruttere ny dagleg leiar etter at Rolf Sanne-Gundersen har sagt opp for å begynne i BKK.
Bente Hauge blir konstituert som dagleg leiar inntil ny dagleg leiar er tilsett.
I tillegg skal Solbjørg Grøneng begynne i ny jobb som rådgjevar i NAV frå 1. mars. Ho blir erstatta av Tuva Eide som i dag er tilsett på grûndersenteret til Innovasjon Norge i Førde. Tuva har også bakgrunn frå Kunnskapsparken og kjenner både regionen og Peak Sunnfjord godt.
I avdelinga for reiseliv har Bjørg Kjos-Wenjum slutta i Sunnfjord Utvikling og begynt i ny jobb i Coop Nordvest.
Frå 1. mars 2021 er dette bemanninga i selskapet: Bente Hauge (konst dagleg leiar), Vidar Slettehaug (ansvarleg reiseliv), Tuva Eide (kommunalt næringsfond/førstelinjeteneste), Kathe Arnesen (rekruttering Sunnfjord)

,

Digitalt møte for Reiselivsnæringa i Sunnfjord

I det vi er i startfasen på eit nytt år inviterer Sunnfjord Utvikling/Visit Sunnfjord til digitalt informasjonsmøte for Reiselivsnæringa i Sunnfjord.
2021 blir eit år prega av endringar, og dette vil vi informere om i møtet.
Vi får også med oss Stein Ove Rolland frå Fjord Norge som fortel oss om måten Fjord Norge arbeider for Vestlandet og Sunnfjord.

Tidspunkt: Torsdag 14. Januar kl. 14.30 – 15.30
Stad: Digitalt
Påmelding: https://forms.gle/nrxSALdEo7QQVZb17

Link til møtet blir sendt ut til dei som melder seg på!

Vel møtt!

,

Sunnfjord Utvikling AS søker ny dagleg leiar

Vil du vere med å utvikle Sunnfjord kommune som ein sterk vekstregion i Vestland fylke?
Sunnfjord Utvikling AS søker ny dagleg leiar.

Som dagleg leiar vil du få ei synleg og viktig rolle i lokalsamfunnet der du får muligheita til å påverke samfunnsutviklinga og sette Sunnfjord enno tydelegare på kartet.

Du skal bidra til å styrke kommunen sin attraktivitet og omdømme og legge til rette for nyskaping og vekst, og du blir ein av dei som skal sette dagsorden i profileringa av Sunnfjord kommune og fronte viktige saker i media.

Brubyggjar mellom kommunen og næringslivet

Gjennom å skape tillit og byggje nettverk skal du fungere som rådgjevar for både det lokale næringslivet og offentlig sektor. Du blir ein brubyggjar mellom kommune og næringsliv, og sørger for å kople kompetanse og kapital og sikre gjennomslag for idear og tiltak.

Med deg på laget har du 4 engasjerte medarbeidarar i Sunnfjord Utvikling, og i ryggen har du Sunnfjord kommune og det private næringslivet.

Er dette deg?
Vi trur du har strategisk og operativ erfaring enten frå privat eller offentlig sektor.

Elles tenker vi at det er mange typar erfaring og kompetanse som kan vere til nytte i denne stillinga, så vi er meir opptatt av korleis du er som person enn kva utdanning du har – høgare utdanning er ein fordel, men relevant erfaring kan erstatte det.

Vi trur at for å lykkast bør du vere:
• Tydeleg på mål og retning
• Beslutningsdyktig
• Nytenkande
• Uredd
• Evne til å tenke strategisk
• Handlekraftig

Du er også sjølvstendig og god til å skape relasjonar på ulike nivå.

Du vil jobbe i eit uformelt miljø med kontor i næringsklynga Peak Sunnfjord, eit innovativt miljø med rundt 20 bedrifter og over 100 tilsette.

Du vil få konkurransedyktige vilkår.

Søknadsfrist: 20. januar 2021.

Har du spørsmål om stillinga kan du ringe dagleg leiar Rolf Sanne Gundersen på tlf. 970 55 208 eller styreleiar John Helge Lunde på tlf. 474 66 074.

Interessert? Send ein kortfatta søknad og CV til kathe.arnesen@sunnfjord.no

Om Sunnfjord Utvikling AS
Sunnfjord Utvikling er nærings- og tiltaksapparatet til Sunnfjord kommune og næringslivet
i Førde, Gaular, Jølster og Naustdal. Føremålet vårt er å bidra til utvikling i Sunnfjord.

,

Kan kultur, handel og reiseliv gje kvarandre eit løft gjennom nytenking og samarbeid?

Dette er idéen bak eit nystarta forskingsprosjekt i Sunnfjord.

Vi er no i gang med arbeidet saman med prosjektpartane, og Vestlandsforsking har skrive ein artikkel om dette:

https://vestforsk.no/nn/2020/forsking-bringer-kultur-handel-og-reiseliv-saman

 

,

Nye midlar til omstilling av reiselivsnæringa

Foto: Tanner Larson

Som mange har venta på er kriteria for dei nye midlane for omstilling av reiselivsnæringa klare.

Sjå informasjon om desse her: Nye 300 millioner kroner til omstilling av reiselivsnæringen

Vi anbefalar å lese nøye gjennom kriteria.

Lenke til nasjonalt webinar om ordninga 8. desember

Merk: Søknadsfristen er allereie 20.desember

,

Vekstprogram for bedrifter i Sunnfjord

Har selskapet ditt ynskje om å omstille seg eller har det nye ambisjonar? Bli med på Vekstprogram i Sunnfjord!

Gjennom 2 heildagsmodular og 1:1 oppfølging får bedrifta hjelp til å avklare grunnlag for korleis omstilling og vekst kan skje i di bedrift. Vi ser på korleis ein kan gjere endringar og handtere urolege tider, og vi hjelper deg med å sjå mogelegheiter og tenke framtid.

Som deltakar vil du få kunnskap om dei nyaste metodane og tilgang til enkle verktøy som du kan nytte i eiga verksemd. Du får oppfølging og rådgjeving, og kan diskutere dine moglegheiter og utfordringar med dei andre deltakarane.

Vekstprogrammet vert arrangert av Kunnskapsparken Vestland i samarbeid med Vekstlandet. Sunnfjord Utvikling ynskjer å tilby programmet til bedrifter i Sunnfjord kommune til kr 3.500 (opphaveleg pris kr 7.000 per selskap). Merk påmelding med Sunnfjord Utvikling for å få redusert pris. Avgrensa tal plassar.

Meir informasjon om Vekstprogrammet og påmelding finn du her.

,

Scenarioanalysen for næringslivet i Vestland etter covid-19 er lansert

Kven vil overleve, kven vil aldri bli det samme og kven vil vere sterkare enn nokon sinne?

Vestland er til no det einaste fylket i Noreg som presenterer ein rapport som ser på moglegheiter og utfordringar for heile næringslivet knytt til koronakrisa og globale megatrendar som det grøne skiftet.

Rapporten er resultat av ei samla bestilling frå eit partnarskap samansett av Vestland fylkeskommune, NHO, LO, KS, NAV, Bergen Næringsråd, Næringsalliansen i Hordaland, Sogn og Fjordane Næringsråd og Bergen kommune. Analysen er gjort av Ernst & Young i tett samarbeid med partane.

Lenke til samandrag av rapporten

Fullstendig rapport kan du lese her

Meir informasjon om arbeidet kan du lese her

,

Vi har tilsett prosjektleiar for Rekrutteringsforum Sunnfjord

Det er kjekt å kunne informere om at vi har tilsett prosjektleiar for Rekrutteringsforum Sunnfjord.

Kathe Arnesen (49) tek til i stillinga 1. desember 2020. Ho er opphaveleg frå Sandefjord men har budd i Oslo dei siste 20 åra.
Vi fekk totalt 21 søkarar til stillinga. Mange gode, sterke kandidatar og tre av dei med tung rekrutteringsbakgrunn. Mange lokale men og kjekt at stillinga fanga interesse frå kandidatar frå Oslo, Bergen og London.

Kathe er ein erfaren prosjektleiar, og har jobba i og med rekrutteringsbransjen i mange år. I tillegg har ho drive eige kommunikasjons- og PR-byrå, og har jobba med marknadsførings- og kommunikasjonsprosjekt for mange ulike bransjar. Ho har såleis lang erfaring med prosjektleiing av både store og små prosjekt. Ho har og helde kurs for både arbeidsgjevarar og rekrutteringsbyrå med fokus på LinkedIn som rekrutteringsverktøy og kanal for marknadsføring, og forelest på HR Norges HR-utdanning rundt temaet rekruttering i sosiale media/på digitale flater.

Kathe har og jobba tett med rekrutteringsbyrået Jobzone, både gjennom eige føretak og som innleigd prosjektleiar, med oppgåver innan kommunikasjon og marknadsføring retta mot både arbeidsgjevarar og kandidatar.

Som prosjektleiar i Jobzone jobba Kathe med eit omfattande digitaliserings- og innovasjonsprosjekt som hadde som mål å fornye og digitalisere både rekrutteringsprosessane og søkeprosessen for kandidatane.

Med denne erfaringa frå rekrutteringsbransjen er vi trygge på at Kathe vil kunne gjere ein god jobb som prosjektleiar og vere ein ressurs for bedriftene som er med i prosjektet. I tillegg er ho vant med å jobbe utadretta både med nettverksbygging og andre aktiviteter for å utvikle prosjekt og nå dei mål som er sett.

Kathe er utdanna marknadsøkonom frå BI, og har tatt ulike kurs innan digital forretningsforståing, fasilitering, coaching m.m. Hennas personlegdom passar og godt til profilen vi var ute etter.

Kathe er tilflyttar men har to søstrer med familie i Sunnfjord.

Vi ynskjer Kathe velkommen til oss og ser fram til å presentere ho for samarbeidspartnarane i prosjektet!

 

Les meir om Kathe sin bakgrunn og motivasjon her