Tag Archive for: Sunnfjord kommune

,

Vekstregionen Sunnfjord – rapport

Fredag 25. mars 2022 var folk, fart og framtid på agendaen då vi lanserte rapporten «Vekstregionen Sunnfjord».

Visste du at 24 milliardar kroner er estimert omfang på investeringar i Sunnfjord i perioden 2016 – 2032?  Kva er drivkreftene bak desse investeringane? Korleis kan vi rigge oss for vidare vekst framover, og kva utfordringar må vi løyse? Det var nokre av temaene som vart diskutert på lanseringa.

Resultata av nærings- og ringverknadsanalysen gjev god innsikt og set retning, og er også nyttige for alle som driv næring, bur og jobbar i Sunnfjord.

Vi oppmodar alle som ynskjer å bidra til å utvikle Sunnfjord og regionen vidare til å dykke ned i denne rapporten.

Den gjev god innsikt og peikar på nokre viktige retningar for vekst og utvikling. Alle kan bidra, og skal vi lukkast må alle bidra!

Rapporten Vekstregionen Sunnfjord kan lastast ned her.

Har du innspel og tilbakemeldingar på det vidare arbeidet med å styrke buattraktivitet og næringsutvikling i Sunnfjord, så ta kontakt med Sunnfjord Utvikling ved prosjektleiar Bente Hauge på bente.hauge@sunnfjord.no eller tlf. 952 61 359.

,

Jølster, Naustdal og Gaular! Velkomen til ope informasjonsmøte i Sunnfjord Utvikling!

Sunnfjord Utvikling ønskjer å invitere bedrifter, enkeltpersonar og innbyggjarar, politikarar, organisasjonar og institusjonar til eit ope møte i Jølster, Naustdal og Gaular.

Du møter oss her:

  • Jølster – Skei Hotel, måndag 14. november kl 18.00-20.00.
  • Gaular – Gamle kommunehuset på Sande tysdag 15. november kl 19.00-21.00.
  • Naustdal – Dalen næringssenter 16. november kl 19.00-21.00.

Vi vil informere om aktivitetane i Sunnfjord Utvikling, med vekt på nokre av dei pågåande satsingane i selskapet:

Oppfølging av Nærings- og ringverknadsanalysen, «Vekstregionen Sunnfjord»

  • Profileringsprosjekt
  • Mineralinkubator
  • Sunnfjord Innovasjonsarena AS
  • Nye prosjekt for grøn omstilling
    • Moglegheitstudie for større grøne industrietableringar i Sunnfjord-regionen
    • Sirkulærprosjekt på Campus Verftet
    • Berekraftsrapportering i bedriftene – korleis kome i gang
  • Nasjonalt senter for yrkesfag
  • Tilleggsnæring landbruk
  • Remote Sunnfjord og rekruttering
  • Reiseliv og Visit Fjordkysten Sunnfjord
  • Kveldsøkonomi og Sunnfjord U40

Ny Strategisk næringsplan for Sunnfjord kommune 2023-2027
• Presentasjon av framlegg til hovudsatsingar i ny næringsplan
• Drøftingar og innspel

Vi presiserer at dette er eit ope møte, og vi er derfor takksame om de vil sende invitasjon vidare i dykkar nettverk.

Det vil bli servert kaffi med noko attåt.

Lenke til påmelding for Jølster på Skei hotel, frist 11. november: Påmelding Jølster
Lenke til påmelding for Gaular på Sande, frist 12. november: Påmelding Gaular
Lenke til påmelding for Naustdal, frist 13. november: Påmelding Naustdal

Vi håpar på godt frammøte og gode drøftingar!

,

Velkomen til ope informasjonsmøte i Sunnfjord Utvikling!

Sunnfjord Utvikling ønskjer å invitere bedrifter, enkeltpersonar og innbyggjarar, politikarar, organisasjonar og institusjonar til eit ope møte på Sunnfjord Hotel, tysdag 25. oktober kl 18.00-20.30.

Vi vil informere om aktivitetane i Sunnfjord Utvikling, med vekt på nokre av dei pågåande satsingane i selskapet:

Oppfølging av Nærings- og ringverknadsanalysen, «Vekstregionen Sunnfjord»
• Profileringsprosjekt
• Sunnfjord Innovasjonsarena AS
• Mineralinkubator
• Nye prosjekt for grøn omstilling
– Moglegheitstudie for større grøne industrietableringar i Sunnfjord-regionen
– Sirkulærprosjekt på Campus Verftet
– Berekraftsrapportering i bedriftene – korleis kome i gang
• Kveldsøkonomi og Sunnfjord U40
• Nasjonalt senter for yrkesfag

Ny Strategisk næringsplan for Sunnfjord kommune 2023-2027
• Presentasjon av framlegg til hovudsatsingar i ny næringsplan
• Drøftingar og innspel

Vi presiserer at dette er eit ope møte, og vi er derfor takksame om de vil sende invitasjon vidare i dykkar nettverk.

Det vil bli servert kaffi med noko attåt.

Lenke til påmelding, frist 21. oktober: https://no.surveymonkey.com/r/OpeInformasjonsmote

Vi håpar på godt frammøte og gode drøftingar!

,

Prosessen med ny næringsplan er i gang

Sunnfjord Utvikling og Sunnfjord kommune startar no arbeidet med ein ny strategisk næringsplan for Sunnfjord kommune.

Dette vil vere det viktigaste styringsverktyet for korleis Sunnfjord Utvikling og Sunnfjord kommune prioriterer og arbeider dei neste 4 åra.

Målet er å ha ein ferdig vedteken plan våren 2023.

Skal vi lukkast med å vere relevante og nyttige for heile næringslivet i Sunnfjord treng vi innspel frå dykk til denne planen. Vi kjem difor til å arrangere fleire samlingar og treffpunkt – meir info om dette kommer litt seinare.

Fristen for høyringsinnspel er 22. november 2022.

Her kan du lese meir om planprogrammet og korleis du kan sende inn innspel.

Vi ser fram til eit godt samarbeid med næringlivet i arbeidet gjennom vinteren!

Her er våre forslag til strategiske retningar for fornying og vekst:

Næringsattraktiv kommune – kommunen og Sunnfjord Utvikling har ei viktig rolle i å vere ein aktiv samarbeidspart for næringslivet og innbyggjarane
Styrka samarbeid i regionen – for å få til større satsingar må næringslivet og kommunane i regionen samarbeide tett, målretta og strukturert
Naturen som ressurs for grøn næringsutvikling – Sunnfjord har store naturressursar, fornybar energi, areal og mineral, og eit landbruk som byr på opplevingar i reiseliv. Berekraftig bruk av desse i kombinasjon med gode lokale kompetansemiljø, gir store utviklingsmoglegheiter inn i ei tid der dette er nøkkelressursar i grøn næringutvikling og grøn omstilling
Entreprenørskap og innovasjon – Sunnfjord har lang tradisjon for entreprenørskap, godt samarbeid i næringslivet, og klynger som samlar ulike fagmiljø.
Rekruttering og attraktivitet – med Førde som regionsenter har vi ein motor for urbanisering, og tiltrekking av arbeidskraft.

Våre særskilde fortrinn er:

  • Naturen som ressurs for næringsutvikling
  • Entreprenørskap og innovasjon
  • Førde som regionsenter

Vi skal styrke grunnmuren for næringsutvikling ved å:

  • Styrke arbeidet med å vere ein næringsattraktiv kommune
  • Styrke samarbeidet i regionen

 

,

Desse verksemdene i Sunnfjord kommune fekk støtte frå den kommunale kompensasjonsordninga i runde 1, 2, 3 og 6

Kommunal- og moderniseringsdepartementet har løyvd midlar til kommunane til økonomiske tiltak i møte med pandemien. Målet med den kommunale kompensasjonsordninga er å sette kommunane raskt i stand til å avhjelpe situasjonen for lokale verksemder som er særleg hardt ramma av lokale eller nasjonale smitteverntiltak, og som heilt eller delvis har falle utanfor dei generelle kompensasjonsordningane.

Sunnfjord kommune fekk tildelt kr. 2.027.239,- i første runde, kr. 3.207.000,- i andre runde, kr. 3.147.000,- i tredje runde og kr. 1.623.000,- i sjette runde. Sunnfjord kommune mottok ikkje midlar i runde 4 og 5. Sunnfjord Utvikling har fått ansvar med å forvalte kompensasjonsmidlane på vegne av kommunen, og det er styret for det kommunale næringsfondet (styret i Sunnfjord Utvikling AS) som har gjort vedtak i sakene.

Vedlagt oversikt over verksemder som har fått tilskot i runde 1, 2, 3 og 6. Lista vil bli fortløpande oppdatert når nye rundar er ferdigbehandla.

Tildelt i runde 1:

Verksemd

Innvilga tilskot

Brunsj & Briller AS

30 058 kr

Eldalstunet Marit Eldal ENK

188 500 kr

Ferske Smakar AS

200 000 kr

Førde Hotell AS

200 000 kr

Heidi Vallestad ENK

183 000 kr

Kvernafossen Bryggeri AS

65 500 kr

Liv Unni Aardal ENK

60 000 kr

O A LUNDE AS

200 000 kr

Scandic Sunnfjord Hotel & Spa

200 000 kr

Skei Hotell AS

200 000 kr

Sunnfjord Cafe og Catering AS

100 000 kr

Sunnfjord Hotell AS

200 000 kr

Sunnfjord Restaurantdrift AS

200 000 kr

Tildelt i runde 2:

Verksemd

Innvilga tilskot

Ferske Smakar AS

221 900 kr

Førde Bowlinghall AS

221 900 kr

Førde Hotell AS

221 900 kr

Hov Hyttegrend ENK

100 000 kr

Håjen AS

221 900 kr

Jølstramuseet AS

98 273 kr

Lunde Turiststasjon ENK

221 900 kr

Puls Førde AS

173 167 kr

Scandic Sunnfjord Hotel & Spa

221 900 kr

Skei Hotell AS

221 900 kr

Stardalen Bygdetun AS

221 900 kr

Spenst Førde AS

193 917 kr

Sunnfjord Cafe og Catering AS

200 000 kr

Sunnfjord Hotell AS

221 900 kr

Sunnfjord Restaurantdrift AS

221 900 kr

Tildelt i runde 3:

Verksemd

Innvilga tilskot

Rutebil Kiosken AS

300 000 kr

Personbråten AS

                              300 000 kr

Jølstramuseet AS

52 836 kr

Førde spa og helse AS

  300 000 kr

Televikar AS

300 000 kr

Mediebruket AS

    300 000 kr

Ferske Smakar AS

    95 183 kr

Jølster Skisenter AS

169 192 kr

Scenisk Fiksjon AS

9 441 kr

Sunnfjord cafe og catering AS

200 000 kr

Manuellterapeut Svein Inge Sunde

24 087 kr

Villa Åmot AS

  135 587 kr

O A LUNDE AS

200 000 kr

TD Førde

 233 100 kr

Rørvikfloten AS

28 749 kr

Mitt lille kjøkken AS

 62 160 kr

Skei Hotel

200 000 kr

Harald Eriksen

149 998 kr

Sunnfjord Restaurantdrift AS

200 000 kr

Rune Geirmund Hoff

69 930  kr

Eiliv Erdal

21 756 kr

Håjen AS

 16 097 kr

Tildelt i runde 6:

Verksemd

Innvilga tilskot

Kardemomme AS

127 422 kr

Hending AS

                             22 026 kr

Jølstramuseet AS

109 349 kr

Sunnfjord Hotell AS

180 325 kr

Førde bowlinghall AS

84 088 kr

Sunnfjord cafe og catering AS

    186 543 kr

Ferske Smakar AS

   168 009 kr

Brunsj og briller AS

51 901 kr

Naustdal landhandel AS

21 620 kr

Televikar AS

11 281 kr

Rørvikfloten AS

5 596 kr

Elveleia AS

 72 349 kr

Sunnfjord Restaurantdrift AS

241 597 kr

Håjen AS

 21 714 kr

Skei Hotel AS

18 977 kr


Første utlysing finn de her.
Andre utlysing finn de her.
Tredje utlysing finn de her.
Sjette utlysing finn de her. 

,

Kommunal kompensasjonsordning runde 6 er lyst ut, søknadsfrist 1. februar

For bedrifter som igjen er hardt ramma av smitteverntiltak  – kommunal kompensasjonsordning runde 6 er lyst ut med søknadsfrist 1. februar 2022

Sunnfjord kommune er i sjette runde tildelt kr. 1.623.000 til kommunal kompensasjonsordning. Hensikta er å avhjelpe situasjonen i kommunar med næringsliv som igjen vert ramma av nye smittevernstiltak, og lokale verksemder vert med dette invitert til å søkje på midlane. Dette er DEL 6 av same kompensasjonsordning der Sunnfjord kommune tidlegare i 2021 er tildelt midlar i DEL 1, 2 og 3 (Kommunal kompensasjonsordning til lokale virksomheter).

Målet med ordninga er å sette kommunane raskt i stand til å avhjelpe situasjonen for lokale verksemder for å oppretthalde arbeidsplassar og viktig kompetanse i bedrifter. Midlane skal hjelpe lokalt næringsliv gjennom ein ny periode med inngripande koronatiltak. Ordninga skal og fungere som ei kommunal ventilordning, for å kompensere lokale verksemder som heilt eller delvis har falle utanfor dei generelle kompensasjonsordningane eller lønnsstøtteordninga.

Søknadsprosessen er enkel og tilskotet er i stor grad tillitsbasert. Nærare om kriteria og prioritering for tildeling av støtte:

Sunnfjord kommune har sett følgjande kriterier for tildeling i runde 6

Mål for ordninga (lyst ut som nasjonal notifisert ordning)

Ordninga skal sikre tilgang til likviditet i verksemder og dempe dei økonomiske konsekvensane av Covid-19-pandemien, ved hjelp av direkte tilskot. Ordninga skal rettast mot lokale verksemder.

Tilskotet kan dekke

Midlane skal brukast på tiltak for lokale verksemder, etablerarar og andre næringsaktørar som:

  • har tap av omsetning/inntekt som følge av Covid-19-pandemien eller den påfølgande økonomiske nedgangen
  • har auka kostnader som følgje av tiltak for å unngå spreiing av Covid-19, og kostnader direkte knytt til Covid-19-lågkonjunktur
  • har tap av varer pga. Covid-19-pandemien

Målgruppe for den 6. runden – kven kan søke

Prioriterte i denne tildelinga er (i følgjande rekkefølge):

  1. Bedrifter i bransjar med næringskode 55,56 og 79, som kan dokumentere at dei har lidd eit økonomisk tap som følgje av nasjonale smittevernstiltak og skjenkestopp i desember 2021. Desse bransjane vil bli prioritert:
  • Overnattingsverksemder, herunder hotell (næringskode 55)
  • Serveringsverksemder, herunder restaurantar og barar (næringskode 56)
  • Reisebyrå- og reisearrangørverksemder (næringskode 79)
  1. Andre verksemder som av ulike grunnar har falle utanfor eller ikkje fått støtte i dei tidlegare tildelingsrundane av den kommunale kompensasjonsordninga

Viss det er verksemder som openbart driv innanfor desse næringskodane, men som av ulike årsaker er registert med ein anna næringskode i Brønnøysundregisteret, vil dette bli teke omsyn til i saksbehandlinga.

Storleik på tilskotet

  • Storleiken på tilskotet vil bli forholdsmessig vekta mot storleiken på tapet
  • Det vert sett ei øvre beløpsgrense på kr 300.000 per bedrift
  • Prosentvis tildeling vil bli vurdert i forhold til tal søknader

Krav til søkarane

  • Verksemda må ha forretningsadresse i Sunnfjord kommune
  • Verksemd som er del av eit konsern kan søke, men kan kun motta støtte for den økonomiske aktiviteten som er lokalisert i Sunnfjord kommune
  • Verksemda må ha tilsette eller ha innleige av personell frå same konsern
  • For enkelmannsføretak må føretaket si inntekt vere minst ein av eigarane si hovudinntekt
  • Verksemda må ikkje vere under konkursbehandling eller under frivillig/tvungen avvikling
  • Verksemda må ikkje ha uteståande skattar og/eller avgifter
  • Opplyse om kva anna offentleg støtte føretaket har motteke i løpet av 2019, 2020 og 2021, og korleis denne støtta er heimla. Konsern må oppgje støtte på konsernnivå.
  • Verksemda kan ikkje bli kompensert via andre ordningar for det tapet det vert søkt om støtte til gjennom denne ordninga. For eksempel kan ikkje verksemda motta støtte frå denne ordninga og andre covid-19 ordningar (som lønnsstøtte og den generelle komp.ordninga) som direkte eller indirekte dekkar dei same kostnadene for den same perioden. Verksemder som mottar lønnsstøtte kan framleis søke om å få dekka tap i omsetnad og øvrige ekstra kostnader som følgje av nedstenginga, men ikkje kostnader til lønn.

Krav til dokumentasjon

For å kvalifisere til støtte må følgande dokumentasjon leggast med som vedlegg til søknaden:

For verksemder i prioriteringsgruppe 1:

  • Dokumentasjon av tap/kostnader i desember 2021 attestert av rekneskapsførar, i form av
    • Faktisk omsetningstap i desember 2021. Omsetningstapet utgjer differansen mellom omsetning i tilskotsperioden (desember 2021) samanlikna med omsetning i desember 2019. For nystarta verksemder er samanlikningstala omsetning for november 2021 eller budsjett for desember 2021.
    • Spesifikasjon av kostnader som er ein direkte konsekvens av smitteverntiltak og nedstenging i desember 2021.

For verksemder i prioriteringsgruppe 2:
Andre verksemder som av ulike grunnar har falle utanfor eller ikkje fått i tidlegare rundar, må dokumentere tapet samt forklare årsaken til tapet og kvifor verksemda har falle utanfor dei tidlegare tildelingsrundane

Samtlege søkarar må også legge ved:

  • Årsrekneskapen for 2020 og siste avlagte perioderekneskap for 2021.
  • Skatteattest RF 1316 (attest for skatt og meirverdiavgift) datert 31.12.21 eller seinare. Viser denne restansar må ein dokumentere utsettingsavtalar med Skatteetaten.
  • Det er ikkje krav til revisorattestert dokumentasjon, men ein må vere førebudd på å levere det viss det vert etterspurt

Søknadsfrist 1. februar 2022

  • Regelverk for offentleg støtte gjeld, og midlane blir tildelt under den nasjonalt notifiserte ordninga.
  • Ein forenkla søknad skal sendast inn gjennom regionalforvaltning.no under søknadsskjema med tittel «Kommunal kompensasjonsordning runde 6, nasjonalt notifisert ordning, Sunnfjord kommune». Der skal og eigenerklæring om offentleg støtte og eigenerklæring om verksemda er i økonomiske vanskar fyllast ut.

For meir informasjon og spørsmål, ta kontakt med Sunnfjord Utvikling:

Sunnfjord Utvikling AS er Sunnfjord kommune si førstelinjeteneste innan næringsutvikling og er sett til å forvalte det kommunale næringsfondet og kompensasjonsmidlane på vegne av kommunen.

,

Løypemelding: Nærings- og ringverknadsanalyse for Sunnfjord

Gjennom dei siste månadane har PwC, på bestilling frå Sunnfjord Utvikling, arbeida med ein omfattande nærings- og ringverknadsanalyse for Sunnfjord. Målet er å synleggjere styrkane våre og peike ut nokre retningar for kommunikasjon og marknadsføring av regionen vår, for å tiltrekke oss folk og at dei som bur her ynskjer å bli buande.

Nærings- og ringverknadsanalysen, som er steg ein i eit større omdømme-/attraktivitetsprosjekt, skal gje oss innsikt i kvifor Sunnfjord opplever god vekst og kva for ringverknader denne veksten kan skape. Det skal også synleggjerast korleis vi sikrar framtidige investeringar og vekst i Sunnfjord.

På nyåret vil vi ha klart ein fullverdig analyse, men allereie no vil vi dele resultatet frå kartleggingsfasen og foreløpige funn. Dette kan reknast som ei løypemelding og den endelege rapporten kan difor avvike frå denne førebelse presentasjonen.

Målet med den endelege analysen er at den skal ha stor bruksverdi. I den vidare kommunikasjonen vil det bli produsert bilete og korte videoar som kan nyttast av næringslivet og offentlege aktørar i marknadsføring og kommunikasjon.

Løypemeldinga vart presentert for formannskapet i Sunnfjord kommune 5. november. Endeleg rapport vil bli tilgjengeleggjort og presentert for næringsliv og offenteleg aktørar på nyåret.

Stor takk til alle som har bidrege inn i dette arbeidet sålangt!

Presentasjon av førebelse funn i kartleggingsfasen

,

Kan vi styrke næringslivet gjennom sirkulærøkonomi i Sunnfjord?

Saman med det lokale næringslivet ynskjer vi å finne potensialet for innovasjon og verdiskaping med eit sirkulært tankesett. 

I dette prosjektet har vi valgt å fokusere på to av dei største private næringane i Sunnfjord, varehandel og bygg & anlegg.  Prosjektet skal resultere i 3-5 innovative pilotprosjekt innan varehandel, bygg og anlegg. Målsetjinga er kunnskapsutveksling og å auke konkurransekrafta gjennom å ruste næringane for framtidige krav og forventningar. Har du lyst til å undersøke om di verksemd kan vere ein bidragsytar  i dette prosjektet?

Meld deg på frukostmøte og les meir om prosjektet Sirkulære Sunnfjord her!

,

Er di bedrift hardt ramma av smitteverntiltak? Kommunal kompensasjonsordning runde 3 er lyst ut med søknadsfrist 30.09.21.

Sunnfjord kommune er i tredje runde tildelt kr. 3.147.000 til kommunal kompensasjonsordning.

Hensikta er den same som med dei to førre tildelingane – tilskotet skal sette kommunane raskt i stand til å avhjelpe situasjonen for lokale verksemder som er særleg hardt ramma av lokale eller nasjonale smitteverntiltak. Ordninga skal og fungere som ei kommunal ventilordning, for å kompensere lokale verksemder som heilt eller delvis har falle utanfor dei generelle kompensasjonsordningane.

Kommunane skal bruke midlane på tiltak for lokale verksemder som er ramma av strenge smitteverntiltak. Dette gjeld særleg støtte som kompenserer lokale verksemder sine kostnader eller tap som følgje av smitteverntiltak og nedstenging.

Kommunane har eit stort handlingsrom til å tilpasse kva type verksemder dei skal støtte avhengig av den lokale situasjonen. I Sunnfjord er spesielt reiselivsnæringa og serveringsstadane hardt råka. Desse har vore prioritert i tidlegare rundar. I runde 3 vil dei som ikkje har fått tildeling i dei tidlegare rundane bli prioritert først. Alle kan søke, men av næringar er det reiseliv, arrangement og serveringsstader som framleis vil få første prioritet, deretter lokale tenesteytande næringar og handelsverksemder (ikkje daglegvarer) og andre verksemder som av ulike grunnar fell heilt eller delvis utanfor dei generelle og tidlegare kompensasjonsordningane.

Søknadsprosessen er enkel og tilskotet er i stor grad tillitsbasert.

Nærare om kriteria og prioritering for tildeling av støtte:

Sunnfjord kommune har sett følgjande kriterier for tildeling i runde 3

Mål for ordninga (lyst ut som nasjonal notifisert ordning)
Ordninga skal sikre tilgang til likviditet i verksemder og dempe dei økonomiske konsekvensane av Covid-19-pandemien, ved hjelp av direkte tilskot. Ordninga skal rettast mot lokale verksemder.

Tilskotet kan dekke
Midlane skal brukast på tiltak for lokale verksemder, etablerarar og andre næringsaktørar som:

  • har tap av omsetning/inntekt som følge av Covid-19-pandemien eller den påfølgande økonomiske nedgangen
  • har auka kostnader som følgje av tiltak for å unngå spreiing av Covid-19, og kostnader direkte knytt til Covid-19-lågkonjunktur
  • har tap av varer pga. Covid-19-pandemien

Målgruppe for den nasjonalt notifiserte ordninga
Følgjande næringar skal prioriterast i følgjande rekkefølge:

a. Reiseliv, arrangement og serveringsstader
b. Lokale tenesteytande næringar og handelsverksemder (ikkje daglegvare)
c. Andre verksemder som av ulike grunnar fell heilt eller delvis utanfor dei generelle og tidlegare kompensasjonsordningane

Ein vil tildele støtte til bedrifter etter følgjande prioritering:

  1. Bedrifter i målgruppe a), b) og c) som ikkje har fått tildelt midlar i dei 2 førre rundane, og som har blitt tildelt relativt små beløp frå den generelle statlege kompenasjonsordninga sett i forhold til kva verksemda har hatt i tap
  2. Bedrifter i målgruppe a), b) og c) med omsetning over 3,5 mill i 2019. For nystarta verksemder budsjett 2020
  3. Bedrifter i målgruppe a), b) og c) med omsetning under 3,5 mill i 2019. For nystarta verksemder budsjett 2020

Storleik på tilskotet

  • Storleiken på tilskotet vil bli forholdsmessig vekta mot storleiken på tapet, og maks 75% av kostnadene/tapet det vert søkt om kompensasjon for.
  • Det vert sett ei øvre beløpsgrense på kr 300.000 for bedrifter som ikkje tidlegare har motteke støtte frå den kommunale kompensasjonsordninga, og maks kr 200.000 for bedrifter som tidlegare har motteke støtte frå denne ordninga

Krav til søkarane

  • Verksemda må ha forretningsadresse i Sunnfjord kommune
  • Verksemd som er del av eit konsern kan søke, men kan kun motta støtte for den økonomiske aktiviteten som er lokalisert i Sunnfjord kommune
  • Verksemda må ha tilsette eller ha innleige av personell frå same konsern
  • For enkelmannsføretak må føretaket si inntekt vere minst ein av eigarane si hovudinntekt
  • Verksemda må ikkje vere under konkursbehandling eller under frivillig/tvungen avvikling
  • Verksemda må ikkje ha uteståande skattar og/eller avgifter
  • Opplyse om kva anna offentleg støtte føretaket har motteke i løpet av 2019, 2020 og 2021, og korleis denne støtta er heimla. Konsern må oppgje støtte på konsernnivå.
  • Krav til dokumentasjon av kostnader og tap. Følgande skal leggast med som vedlegg til søknaden:
    • Ei beskriving av årsak til tapet og spesifikasjon av tapt omsetning og/eller meirkostnader som grunnlag for søknadsbeløp. Det ein har fått frå tidlegare tildelingar frå kommunale og statlege kompenasjonsordningar skal trekkast frå og gje søknadsgrunnlaget.
    • Årsrekneskapen for 2020 og siste avlagte perioderekneskap for 2021
    • Skatteattest (attest for skatt og meirverdiavgift) datert 30.08.21 eller seinare
  • Det er ikkje krav til revisorattestert dokumentasjon, men ein må vere førebudd på å levere det viss det vert etterspurt

Søknadsfrist er 30. september 2021.

Søknadsportal og forholdet til regelverket
Ein forenkla søknad skal sendast inn gjennom regionalforvaltning.no under søknadsskjema med tittel «Kommunal kompensasjonsordning runde 3, nasjonalt notifisert ordning, Sunnfjord kommune».

Tilskot til verksemder må vere i samsvar med regelverket for offentleg støtte.

For meir informasjon og spørsmål, ta kontakt med Sunnfjord Utvikling:

Sunnfjord Utvikling AS er Sunnfjord kommune si førstelinjeteneste innan næringsutvikling og er sett til å forvalte det kommunale næringsfondet og kompensasjonsmidlane på vegne av kommunen.

,

Er di bedrift særleg hardt ramma av smitteverntiltak? Og har den falle utanfor dei generelle kompensasjonsordningane?

Sunnfjord kommune er tildelt 2.027.239 kroner til kommunal kompensasjonsordning, bevilga av Stortinget. Målet med ordninga er å hjelpe lokalt næringsliv som er særleg hardt ramma av smitteverntiltak, og som heilt eller delvis har falle utanfor dei generelle kompensasjonsordningane.

Sunnfjord kommune har delegert til Sunnfjord Utvikling å forvalte tilskotet. Fordeling og framdrift er basert på mål og føringar frå Kommunal- og moderniseringsdepartementet. Med atterhald om godkjenning i Sunnfjord kommunestyre 25. mars 2021 vert fordelinga slik:

Kven og kva kan det gjevast tilskot til:
Midlane skal brukast på tiltak for lokale verksemder, etablerarar og andre næringsaktørar som:

  • heilt eller delvis har falle utanfor dei generelle kompensasjonsordningane
  • har kostnader eller tap som følgje av smitteverntiltak og nedstenging

Ordninga skal ikkje avgrensast til å gjelde spesielle bedrifter eller bransjar, men følgjande verksemder skal særleg prioriterast:

  • Reiseliv, arrangement og serveringsstader. Ref innspel frå NHO Reiseliv om å særleg prioritere reiselivsbedrifter som av ulike grunnar ikkje kan vise til ein reell omsetningssvikt. Samt til serveringsstader som vart ramma av skjenkestopp.
  • Destinasjonsselskap og andre fellestiltak for reiselivet. Ref innspel frå NHO Reiseliv om å kompensere for medlemskontingent på 2019-nivå
  • Tilskot til autoriserte besøkssenter for natur og verdsarv, som på grunn av pandemien har stor omsetningssvikt i 2021.

Storleik på tilskotet:
Tilskotet skal ikkje overstige 75% av kostnadene/tapet det vert søkt om kompensasjon for. Det vert sett ei øvre beløpsgrense på kr 200.000 per bedrift. Det vert lagt til grunn at tilskotet kan gjevast i tråd med regelverket for offentleg støtte.

Krav til søkarane:

  • Verksemda må ha forretningsadresse i Sunnfjord kommune
  • Verksemda må ha tilsette eller ha innleige av personell frå same konsern
  • Verksemda må ikkje vere under konkursbehandling eller under frivillig/tvungen avvikling
  • Opplyse om kva anna offentleg støtte føretaket har motteke i løpet av 2019, 2020 og 2021
  • Grunngje årsaka til at verksemda har falle heilt eller delvis utanfor den generelle kompensasjonsordninga

Søknadsfrist:
Det vert sett frist til 1. mai 2021.
Dersom det er midlar att etter denne runden vil det bli lyst ut ei ny runde med søknadsfrist 1. juni 2021.

Søknadsportal og forholdet til regelverket:
Søknad om tilskot skal registrerast i søknadsskjema på regionalforvaltning.no. Ordninga er lyst ut som eit eige kommunalt næringsfond med tittel «Kommunal kompensasjonsordning Sunnfjord kommune».

Tilskot til verksemder må vere i samsvar med regelverket for offentleg støtte.

For meir informasjon kontakt:
Rådgjevar Tuva Eide                                  tuva.eide@sunnfjord.no            90 27 58 69
Konst. dagleg leiar Bente Hauge         bente.hauge@sunnfjord.no     95 26 13 59