Tag Archive for: Sunnfjord Utvikling

,

Coronamidler: Runde 7 av kommunal kompensasjonsordning er no lyst ut. Frist 27. april.

Sunnfjord kommune er i sjuande runde tildelt kr. 784.000 til kommunal kompensasjonsordning.

Målet med ordninga er å sette kommunane raskt i stand til å avhjelpe situasjonen for lokale verksemder for å oppretthalde arbeidsplassar og viktig kompetanse i bedrifter. Midlane skal hjelpe lokalt næringsliv gjennom ein ny periode med inngripande koronatiltak.

Ordninga skal og fungere som ei kommunal ventilordning, for å kompensere lokale verksemder som heilt eller delvis har falle utanfor dei generelle kompensasjonsordningane eller lønnsstøtteordninga. Kommunane er særleg bedt om å vurdere kompensasjonsbehovet i verksemder som har falle heilt eller delvis utanfor dei generelle kompensasjonsordningane, som bl.a. nystarta bedrifter.

Søknadsprosessen er enkel og tilskotet er i stor grad tillitsbasert. Nedanfor kan du lese meir om kriteria og prioritering for tildeling av støtte.

Mål for ordninga (lyst ut som nasjonal notifisert ordning):
Ordninga skal sikre tilgang til likviditet i verksemder og dempe dei økonomiske konsekvensane av Covid-19-pandemien, ved hjelp av direkte tilskot. Ordninga skal rettast mot lokale verksemder.

Sunnfjord kommune har sett følgande kriterier for tildeling i runde 7:

Dette kan tilskotet dekke:
Midlane skal brukast på tiltak for lokale verksemder, etablerarar og andre næringsaktørar som:

  • har tap av omsetning/inntekt som følge av Covid-19-pandemien eller den påfølgande økonomiske nedgangen
  • har auka kostnader som følgje av tiltak for å unngå spreiing av Covid-19, og kostnader direkte knytt til Covid-19-lågkonjunktur
  • har tap av varer pga. Covid-19-pandemien

Målgruppe for den 7. runden – kven kan søke
Bedrifter i bransjar med næringskode 55,56, 79, 93, 90 og 82.3, som kan dokumentere at dei har lidd eit økonomisk tap som følgje av nasjonale smittevernstiltak i perioden januar-februar 2022:

  • Overnattingsverksemder, herunder hotell (næringskode 55)
  • Serveringsverksemder, herunder restaurantar og barar (næringskode 56)
  • Reisebyrå- og reisearrangørverksemder (næringskode 79)
  • Sport og fritid (næringskode 93)
  • Kunst og underholdning (næringskode 90)
  • Kongress-, messe- og utstillingsvirksomhet (næringskode 82.3)

Viss det er verksemder som openbart driv innanfor desse næringskodane, men som av ulike årsaker er registert med ein anna næringskode i Brønnøysundregisteret, vil dette bli teke omsyn til i saksbehandlinga.

Verksemder som har falle heilt eller delvis utanfor dei generelle kompensasjonsordningane, som bl.a. nystarta bedrifter, vil bli særskilt vurdert og prioritert først i denne runden.

Storleik på tilskotet:

  • Det vert sett ei øvre beløpsgrense på kr 100.000 per bedrift
  • Storleiken på tilskotet vil bli forholdsmessig vekta mot storleiken på tapet
    • Prioriterte søknader vil kunne få ein større andel av tapet dekka

Krav til søkarane:

  • Verksemda må ha forretningsadresse i Sunnfjord kommune
  • Verksemd som er del av eit konsern kan søke, men kan kun motta støtte for den økonomiske aktiviteten som er lokalisert i Sunnfjord kommune
  • Verksemda må ha tilsette eller ha innleige av personell frå same konsern
  • For enkelmannsføretak må føretaket si inntekt vere minst ein av eigarane si hovudinntekt
  • Verksemda må ikkje vere under konkursbehandling eller under frivillig/tvungen avvikling
  • Verksemda må ikkje ha uteståande skattar og/eller avgifter
  • Opplyse om kva anna offentleg støtte føretaket har motteke i løpet av 2019, 2020, 2021 og 2022, og korleis denne støtta er heimla (bagatellmessig støtte eller notifisert ordning). Inngår selskapet i eitt konsern må støtte på konsernnivå oppgjevast.
  • Verksemda kan ikkje bli kompensert via andre ordningar for det tapet det vert søkt om støtte til gjennom denne ordninga. For eksempel kan ikkje verksemda motta støtte frå denne ordninga og andre covid-19 ordningar (som lønnsstøtte og den generelle komp.ordninga) som direkte eller indirekte dekkar dei same kostnadene for den same perioden. Verksemder som mottar lønnsstøtte kan framleis søke om å få dekka tap i omsetnad og øvrige ekstra kostnader som følgje av nedstenginga, men ikkje kostnader til lønn.

Krav til dokumentasjon

For å kvalifisere til støtte må følgande dokumentasjon leggast med som vedlegg til søknaden:

  • Perioderekneskap per februar 2020
  • Perioderekneskap per februar 2022
  • Skatteattest RF 1316 (attest for skatt og meirverdiavgift) datert 31.03.22 eller seinare. Viser denne restansar må ein dokumentere utsettingsavtalar med Skatteetaten.
  • Opplyse om kva anna offentleg støtte føretaket har motteke i løpet av 2019, 2020, 2021 og 2022, og korleis denne støtta er heimla (bagatellmessig støtte eller notifisert ordning). Inngår selskapet i eitt konsern må støtte på konsernnivå oppgjevast.
  • Dokumentasjon av tap/kostnader i januar og februar 2022 attestert av rekneskapsførar, i form av
    • Faktisk omsetningstap i januar og februar 2022. Omsetningstapet utgjer differansen mellom omsetning i perioden (januar og februar 2022) samanlikna med omsetning i januar og februar 2020. For nystarta verksemder er samanlikningstala budsjett for januar og februar 2022.
    • Spesifikasjon av kostnader som er ein direkte konsekvens av smitteverntiltak og nedstenging i januar-februar 2022.

 NB viktig: Dersom søkar ikkje innfrir dokumentasjonskrava innan søknadsfristen vil ikkje dokumentasjon bli etterspurt og søknaden vil bli avslegen.

For å sikre at stønaden ikkje fører til kompensasjon ut over lovlege rammer, må søkjar gje opp om verksemda tidlegare har motteke offentleg stønad, stønadsbeløp, under kva for regelverk/kva ordning stønaden er motteken og kva kostnadar som er dekka. Opplysningane er basert på tillit. Dersom søkjar gjev opp feil informasjon, risikerer søkjar at stønad må tilbakebetalast.

Søknad – frist 27. april 2022

  • Regelverk for offentleg støtte gjeld, og midlane blir tildelt under den nasjonalt notifiserte ordninga.
  • Ein forenkla søknad skal sendast inn gjennom regionalforvaltning.no under søknadsskjema med tittel «Kommunal kompensasjonsordning runde 7, nasjonalt notifisert ordning, Sunnfjord kommune». Der skal og eigenerklæring om offentleg støtte og eigenerklæring om verksemda er i økonomiske vanskar fyllast ut.

 For meir informasjon og spørsmål, ta kontakt med Sunnfjord Utvikling:

Sunnfjord Utvikling AS er Sunnfjord kommune si førstelinjeteneste innan næringsutvikling og er sett til å forvalte det kommunale næringsfondet og kompensasjonsmidlane på vegne av kommunen.

,

Vekstregionen Sunnfjord; ein nærings- og ringverknadanalyse – her finn du rapporten

Fredag 25. mars var folk, fart og framtid på agendaen då vi lanserte rapporten «Vekstregionen Sunnfjord».

Visste du at 24 milliardar kroner er estimert omfang på investeringar i Sunnfjord i perioden 2016 – 2032?  Kva er drivkreftene bak desse investeringane? Korleis kan vi rigge oss for vidare vekst framover, og kva utfordringar må vi løyse? Det var nokre av temaene som vart diskutert på lanseringa.

Resultata av nærings- og ringverknadsanalysen gjev god innsikt og set retning, og er også nyttige for alle som driv næring, bur og jobbar i Sunnfjord.

Vi oppmodar alle som ynskjer å bidra til å utvikle Sunnfjord og regionen vidare til å dykke ned i denne rapporten.

Den gjev god innsikt og peikar på nokre viktige retningar for vekst og utvikling. Alle kan bidra, og skal vi lukkast må alle bidra!

Rapporten Vekstregionen Sunnfjord kan lastast ned her.

Har du innspel og tilbakemeldingar på det vidare arbeidet med å styrke buattraktivitet og næringsutvikling i Sunnfjord, så ta kontakt med Sunnfjord Utvikling ved prosjektleiar Bente Hauge på bente.hauge@sunnfjord.no eller tlf. 952 61 359.

,

Desse verksemdene i Sunnfjord kommune fekk støtte frå den kommunale kompensasjonsordninga i runde 1, 2, 3 og 6

Kommunal- og moderniseringsdepartementet har løyvd midlar til kommunane til økonomiske tiltak i møte med pandemien. Målet med den kommunale kompensasjonsordninga er å sette kommunane raskt i stand til å avhjelpe situasjonen for lokale verksemder som er særleg hardt ramma av lokale eller nasjonale smitteverntiltak, og som heilt eller delvis har falle utanfor dei generelle kompensasjonsordningane.

Sunnfjord kommune fekk tildelt kr. 2.027.239,- i første runde, kr. 3.207.000,- i andre runde, kr. 3.147.000,- i tredje runde og kr. 1.623.000,- i sjette runde. Sunnfjord kommune mottok ikkje midlar i runde 4 og 5. Sunnfjord Utvikling har fått ansvar med å forvalte kompensasjonsmidlane på vegne av kommunen, og det er styret for det kommunale næringsfondet (styret i Sunnfjord Utvikling AS) som har gjort vedtak i sakene.

Vedlagt oversikt over verksemder som har fått tilskot i runde 1, 2, 3 og 6. Lista vil bli fortløpande oppdatert når nye rundar er ferdigbehandla.

Tildelt i runde 1:

Verksemd

Innvilga tilskot

Brunsj & Briller AS

30 058 kr

Eldalstunet Marit Eldal ENK

188 500 kr

Ferske Smakar AS

200 000 kr

Førde Hotell AS

200 000 kr

Heidi Vallestad ENK

183 000 kr

Kvernafossen Bryggeri AS

65 500 kr

Liv Unni Aardal ENK

60 000 kr

O A LUNDE AS

200 000 kr

Scandic Sunnfjord Hotel & Spa

200 000 kr

Skei Hotell AS

200 000 kr

Sunnfjord Cafe og Catering AS

100 000 kr

Sunnfjord Hotell AS

200 000 kr

Sunnfjord Restaurantdrift AS

200 000 kr

Tildelt i runde 2:

Verksemd

Innvilga tilskot

Ferske Smakar AS

221 900 kr

Førde Bowlinghall AS

221 900 kr

Førde Hotell AS

221 900 kr

Hov Hyttegrend ENK

100 000 kr

Håjen AS

221 900 kr

Jølstramuseet AS

98 273 kr

Lunde Turiststasjon ENK

221 900 kr

Puls Førde AS

173 167 kr

Scandic Sunnfjord Hotel & Spa

221 900 kr

Skei Hotell AS

221 900 kr

Stardalen Bygdetun AS

221 900 kr

Spenst Førde AS

193 917 kr

Sunnfjord Cafe og Catering AS

200 000 kr

Sunnfjord Hotell AS

221 900 kr

Sunnfjord Restaurantdrift AS

221 900 kr

Tildelt i runde 3:

Verksemd

Innvilga tilskot

Rutebil Kiosken AS

300 000 kr

Personbråten AS

                              300 000 kr

Jølstramuseet AS

52 836 kr

Førde spa og helse AS

  300 000 kr

Televikar AS

300 000 kr

Mediebruket AS

    300 000 kr

Ferske Smakar AS

    95 183 kr

Jølster Skisenter AS

169 192 kr

Scenisk Fiksjon AS

9 441 kr

Sunnfjord cafe og catering AS

200 000 kr

Manuellterapeut Svein Inge Sunde

24 087 kr

Villa Åmot AS

  135 587 kr

O A LUNDE AS

200 000 kr

TD Førde

 233 100 kr

Rørvikfloten AS

28 749 kr

Mitt lille kjøkken AS

 62 160 kr

Skei Hotel

200 000 kr

Harald Eriksen

149 998 kr

Sunnfjord Restaurantdrift AS

200 000 kr

Rune Geirmund Hoff

69 930  kr

Eiliv Erdal

21 756 kr

Håjen AS

 16 097 kr

Tildelt i runde 6:

Verksemd

Innvilga tilskot

Kardemomme AS

127 422 kr

Hending AS

                             22 026 kr

Jølstramuseet AS

109 349 kr

Sunnfjord Hotell AS

180 325 kr

Førde bowlinghall AS

84 088 kr

Sunnfjord cafe og catering AS

    186 543 kr

Ferske Smakar AS

   168 009 kr

Brunsj og briller AS

51 901 kr

Naustdal landhandel AS

21 620 kr

Televikar AS

11 281 kr

Rørvikfloten AS

5 596 kr

Elveleia AS

 72 349 kr

Sunnfjord Restaurantdrift AS

241 597 kr

Håjen AS

 21 714 kr

Skei Hotel AS

18 977 kr


Første utlysing finn de her.
Andre utlysing finn de her.
Tredje utlysing finn de her.
Sjette utlysing finn de her. 

,

Velkomen til Verkemiddeldagen i Førde

 

Har du planar om å utvikle eit nytt eller forbetra produkt, teneste eller produksjonsprosess?

Manglar du kunnskap eller treng å utvikle kunnskap for å kunne gå vidare med ditt prosjekt? Her vil det vera mogleg å hente både rådgjeving, kompetanse og informasjon om finansieringsmoglegheiter hjå verkemiddelapparatet:

• 1:1 rådgjeving med kompetansemeklar, Forskningsrådet eller EU-rådgjevar
• Informasjon om aktuelle utlysingar, regionale, nasjonale og internasjonale
• Nettverk

Allereie i første møte vil ein sørgje for å kople dykkar prosjekt på rett ordning/kunnskapsmiljø. Delta for å høyre om ulike moglegheiter, få tips til korleis kome i gong og ikkje minst høyr frå andre verksemder i regionen som har lukkast med bruk av FoU i utviklinga av deira verksemd.

Meld deg på her

Verkemiddeldagen vert arrangert i samarbeid med:
• Vekst i Lag v. Sognefjorden Næringshage, Kunnskapsparken Vestland, Inviro og Stryn Næringshage
• Sunnfjord Utvikling
• Innovasjon Norge
• Norges Forskningsråd

,

Løypemelding: Nærings- og ringverknadsanalyse for Sunnfjord

Gjennom dei siste månadane har PwC, på bestilling frå Sunnfjord Utvikling, arbeida med ein omfattande nærings- og ringverknadsanalyse for Sunnfjord. Målet er å synleggjere styrkane våre og peike ut nokre retningar for kommunikasjon og marknadsføring av regionen vår, for å tiltrekke oss folk og at dei som bur her ynskjer å bli buande.

Nærings- og ringverknadsanalysen, som er steg ein i eit større omdømme-/attraktivitetsprosjekt, skal gje oss innsikt i kvifor Sunnfjord opplever god vekst og kva for ringverknader denne veksten kan skape. Det skal også synleggjerast korleis vi sikrar framtidige investeringar og vekst i Sunnfjord.

På nyåret vil vi ha klart ein fullverdig analyse, men allereie no vil vi dele resultatet frå kartleggingsfasen og foreløpige funn. Dette kan reknast som ei løypemelding og den endelege rapporten kan difor avvike frå denne førebelse presentasjonen.

Målet med den endelege analysen er at den skal ha stor bruksverdi. I den vidare kommunikasjonen vil det bli produsert bilete og korte videoar som kan nyttast av næringslivet og offentlege aktørar i marknadsføring og kommunikasjon.

Løypemeldinga vart presentert for formannskapet i Sunnfjord kommune 5. november. Endeleg rapport vil bli tilgjengeleggjort og presentert for næringsliv og offenteleg aktørar på nyåret.

Stor takk til alle som har bidrege inn i dette arbeidet sålangt!

Presentasjon av førebelse funn i kartleggingsfasen

,

Invitasjon til Kick-off 2022 for reiselivsnæringa

Kva skal vi gjere i 2022 for å restarte reiselivet i regionen?

Korleis kan vi skape eit attraktivt og berekraftig reiseliv på Vestlandet? Korleis skal vi få våre målgrupper til å velja oss – heile året? Og korleis skal vi påverke dei til å bli her lenger og oppleve meir? Korleis jobbar vi med besøksforvaltning og korleis kan du jobbe endå meir med berekraft i di eiga verksemd?

Saman med Vestland fylkeskommune, Visit Fjordkysten, Visit Nordfjord, Visit Sunnfjord og Visit Sognefjord inviterer Fjord Norge til kick off for 2022.

Bli med på ein tettpakka dag med inspirasjon, innsikt og dialog – og masse gjensynsglede! Så hald av dagen!

 

Stad: Thon Hotel Jølster

Dato: 09. november kl. 10-17

Pris: 565,-  inkl. Lunsj

Meld deg på her

 

PROGRAM

10.00   Velkommen ved  Vestland fylkeskommune

10.05   Slik bidreg vi til at reiselivet lukkast. Ved Endre Høgalmen, seksjonssjef, Vestland fylkeskommune

10.20   Attraktivt og berekraftig – vår veg som framtidsnæring for Vestlandet.  Ved Stein Ove Rolland administrerande direktør i Fjord Norge

10.35   Samspel for vekst, utvikling og forvaltning. Korleis jobbar vi for ein vekst som er handterbar og ønskjeleg – og korleis legg vi til rette for godt vertskap for besøkande som kjem hit? Ved Reiselivssjefane Ståle Brandshaug, Marita Lindvik, Marita Solheim og Vidar Slettehaug

10.55   Slik omstilte vi oss – og lukkast. Case Knutholmen

11.10   Vekst og handteringsevne. Kvifor er besøksforvaltning så viktig? Marta Rongved, seniorrådgivar reiseliv, Vestland fylkeskommune

11.20   Slik omstilte vi oss – og lukkast. Case Jølstraholmen Camping

11.30-11.45  Kaffipause

11.45   Slik omstilte vi oss – og lukkast. Case Nes Gard

11.55   Slik omstilte vi oss – og lukkast. Case frå Fjordkysten ved Comfort Hotel Victoria Florø

12.15   Restart – slik skal Vestlandet lukkast i 2022.  Ved Britt Dalland, marknadsdirektør i Fjord Norge

12.40 -14.00 Lunsj og mingletid

Her er nokon av tema vi vil ha under parallelle sesjonar.

  • Ny nettside og reiseplanlegger: Kva betyr dette for gjesten, for Vestlandet og for aktørane?
  • Slik skriv du gode produkttekstar
  • Dette etterspør turoperatørane
  • Trender, mulegheiter og målgrupper
  • Innovasjon Norge – støtteordningar
  • «Alle korta på bordet!» Berekraft i praksis
  • Derfor jobbar vi med merking av vår destinasjon som berekraftig reisemål og sånn er det implementert i Masterplan for Sogn som reisemål

15.50-16.00 kaffi/frukt

16.00   «Sofaprat» med næringsaktørar, destinasjonar, Fjord Norge og fylkeskommunen

16.35   Kva handlar det eigentleg om? Avslutning Fjord Norge ved Stein Ove Rolland, administrerande direktør i Fjord Norge

Vi tek atterhald om endringar i programmet.

,

Studentane i Førde er nysgjerrige på næringslivet og ynskjer spennande deltidsstillingar

Den 26. august var mange av Førde sine studentar på plass i Idrettshallen i Førdehuset for å snuse på potensielle arbeidsgjevarar og framtidige moglegheiter.

Verksemder, helseføretak og kommunar stod på stand for å sikre seg nødvendig kompetanse og komme i kontakt med framoverlente studentar.

Over halvparten av verksemdene som deltok på Karrieredagen og søkte studentar ifrå teknologiutdanningane i Førde er også med i ordninga Studentjobb.

Dette er ein gyllen sjanse for studentane til å skaffe seg ein høgaktuell deltidsjobb ved sidan av studiet i Førde og komme i kontakt med det yrande næringslivet vi har her i Sunnfjord.

Vi har allereie på plass deltidsjobbar til over 50 % av eit ordinært førsteårs-kull, og rekrutterer nye arbeidsgjevarar fortløpande, sjølv etter studiestart.

Vår målsetting er at alle studentar i Førde som ønskjer det, skal få tilbod om Studentjobb.

Er du interessert i å komme i kontakt med studentar med nyvunnen kunnskap om automatisering og robotikk, elkraftteknikk, bygg eller informasjonsteknologi? Tilby ein studentjobb!

Ta kontakt med prosjektleiar Bente Hauge i Sunnfjord Utvikling for meir informasjon.

Les meir her: Studentpraksis.no

 

,

Kurs i rekrutteringsstrategi 21. september

Ein del av arbeidet vi gjer i Rekrutteringsforum Sunnfjord, er å bidra til å spele medlemmane våre gode på rekruttering.

Saman med Framtidsfylket og PwC inviterast det no til kurs i rekrutteringsstrategi. På kurset vil du få konkrete råd og tips om korleis di bedrift kan gjere seg så attraktiv som mogleg på jobbmarknaden. Målet er at kandidatane skal stå i kø for å jobbe hos akkurat deg.

Det kan vere vanskeleg å vite kvar ein skal starte, og kva som er viktig for at kandidatane skal sjå på di bedrift som ein attraktiv arbeidsgjevar.

Kurset blir ein introduksjon til korleis ein kan tenke rundt ein overordna rekrutteringsstrategi, og seinare vil vi sette opp ei kursrekke der vi går litt meir i dybden på enkelttema. Meir info om det kjem seinare i haust.

Kursdato: 21. september 2021
Stad og tid: Thon Hotel Førde, kl. 10.00 – 14.00. Det blir servert enkel lunsj
Pris: 1700,- per deltakar (for medlemmar i Rekrutteringsforum Sunnfjord dekker vi 25% av kostnaden for ein deltakar per bedrift, så for dei er prisen 1275,-).

I løpet av kurset fokuserast det på bedriftene sin eigen rekrutteringsstrategi, og å finne svar på:

  • Kva kompetanse er det behov for?
  • Kva fokus bedrifta har med tanke på kort – eller langsiktig rekruttering?
  • Når og korleis skal ein annonsere?
  • Korleis ein tek imot, tek vare på, og takkar av dei tilsette?
  • Kva rekrutteringsstrategien har å seie for bedrifta sitt omdømme på arbeidsmarknaden?

Kurset vil også svare på kvifor målretta kommunikasjon mot jobbkandidatar er like viktig som kommunikasjon mot kundane.

  • Kva er rekrutteringskommunikasjon?
  • Kva mål har vi med ulike rekrutteringstiltak?
  • Kva tiltak har bedrifta i dag?
  • Kva målgrupper rettar vi oss mot?
  • I kva kanalar bør vi vere for å nå dei rette jobbkandidatane?

Gunn Merete Paulsen og Silje Guddal frå PwC leiar kursa. I lag med innspel og erfaring frå  deltakarar, næringsliv og Framtidsfylket vil kurset styrke dykkar kompetanse innan rekruttering.

Om PWC
PwC er ein av Norge sine mest attraktive arbeidsgjevarar. Selskapet leverer tenester innan eit breitt spekter og rekrutterer årleg mange nye medarbeidarar innan fagområde som jus, rekneskap, revisjon og rådgjeving. I Sogn og Fjordane er PwC lokalt forankra i heile fylket med sju ulike kontorstadar.

Gunn Merete Paulsen er advokat og partner i PwC. Ho har mange års erfaring med å jobbe med rekruttering gjennom ulike leiarroller og har eit stort engasjement for samanhengen mellom omdømme og rekruttering.

Silje Guddal er rådgjevar i PwC og jobbar strategi og utvikling av små og mellomstore bedrifter samt offentleg sektor. Silje har ansvar for markedskommunikasjonen til PwC i Nordvest og har bakgrunn som reporter og programleiar i NRK.

Spørsmål? Ta kontakt med Linda Hovland i Framtidsfylket på tlf. 99 01 78 52 eller e-post linda@framtidsfylket.no

Meld deg på her.

,

Tre heimelekser frå Heilekonferansen

Den 19. – 20. august 2021 sparka vi i gang næringslivet etter koronapandemien og via to dagar til omdømebygging, motivasjon og diskusjon om korleis Sunnfjord skal kome sigrande ut i kampen om kvalifisert arbeidskraft i åra som kjem.

Dette var den første Heilekonferansen av forhåpentligvis mange i åra som kjem, og eit strålande initiativ. Med oss frå Heilekonferansen tek vi tre viktige tankevekkarar som vart nevnt ved fleire høve på scena.

Vi må alle framsnakke regionen vår
Om vi ynskjer tilflytting er vi avhengige av at vi som bur, jobbar og trivst i Sunnfjord formidlar dette. Har du ei vennine som sit 45 minutt i bilkø i Bergen kvar ettermiddag? Fortel at du har heile ettermiddagen tilgjengeleg til det ho heller ville brukt tida si på.

Kjenner du nokon som drøymer om større bustad, men har tapt kvar einaste bodrunde i kampen om rekkehuset som ikkje er altfor langt frå Oslo sentrum? Fortel dei om nabohuset her i Sunnfjord som ligg til sals, kor alle fire veggane vil vere kun deira og dei kan male huset i kva farge som helst utan å måtte søke til sameiget.

Når vi snakkar med potensielle tilflyttarar må vi fokusere på det vi synes er det beste med å bu i Sunnfjord og ikkje halde det for oss sjølv. Kva om vi alle klarte å lokke heim ein person, eller to, eller ein heil familie?

Næringslivet i Sunnfjord blomstrar
Det er ikkje mange av regionane vi samanliknar oss med som kan vise til eit like yrande næringsliv som det vi ser i Sunnfjord. Helse Førde bygger for fleire milliardar, vi bygger ny vidaregåande skule og det skal byggast for enda fleire millarder i regionen dei neste åra.

På Peak Sunnfjord har vi eit pulserande miljø med engasjerte gründerar og selskap i vekst som har plass til enda fleire. Sunnfjord Utvikling kan bistå fleire som ynskjer å etablere seg i Sunnfjord, men no er det også enklare å flytte hit og ta med jobben i bagasjen, gjennom Remote Førde.
(OPPDATERING 20.10.2023: Ny nettside er for Remote Sunnfjord remotesunnfjord.no)

Finn du venner i Sunnfjord, blir du værande i Sunnfjord
Vekst i næringslivet har gitt oss fleire tilflyttarar den siste tida. Tibber åleine har rekruttert en håndfull tilflyttarar så langt i 2021. Dei som flyttar til Sunnfjord utan familie eller venner må få fleire arenaer til å møte andre som er i same livssituasjon som dei.

Dette vart trekt fram av Kristine Lie i PwC som sjølv har flytta frå Oslo til Førde i år. «– Dei som flyttar til Sunnfjord med barn blir tvungen til å sosialisere seg og møte nye menneske gjennom barnehage, skule og fritidsaktivitetar, men kva med oss som ikkje har barn?»

Vi brukar mykje tid og krefter på å lokke til oss dei kloke hodene, men vi må ikkje gløyme å bruke tid på dei etter at dei har skifta adresse til Sunnfjord òg.

Ta godt imot dei nytilsette og kanskje ekstra godt dei som kjem hit åleine –  og dra dei gjerne med på aktiviteter utanom jobb. Om alt går etter planen vil det vere mange av dei i åra som kjem.